விராட் கோலியும் அனுஷ்கா சர்மாவும் ஒரு ஷாப்பிங் மாலில் அழான பையனுடன் போட்டோ எடுத்து சமூக வலைத்தளங்களில் பகிர்ந்துள்ளனர்.
இந்தியக் கிரிக்கெட் அணியின் கேப்டன் விராட் கோலியைகடந்த ஆண்டு டிசம்பர் மாதம் இத்தாலியில் திருமணம் செய்து கொண்டார் பாலிவுட் நடிகை அனுஷ்கா சர்மா.
இந்திய அணி தற்போது இங்கிலாந்தில் விளையாடி வரும் நிலையில் அனுஷ்காவும் கோலியுடன் இங்கிலாந்து சென்று எல்லா போட்டிகளையும் நேரில் பார்த்து வருகிறார்.
ஓய்வு நாட்களில் விராட் – அனுஷ்கா இருவரும் ஜாலியாக பயணம் மேற்கொள்கிறார்கள்.
இந்நிலையில், விராட் கோலி தனது ட்விட்டர் பக்கத்தில் அனுஷ்கா சர்மாவுடன் ஒரு படத்தை பதிவிட்டுள்ளார்.
அதில் விராட் – அனுஷ்காவுடன் ஒரு நாயும் உள்ளது. அந்த நாயை அனுஷ்கா வருடிக்கொடுக்கிறார்.
இந்தப் படத்தை பதிவிட்ட கோலி, “ஒரு அழகான பையனை பார்த்தோம். எங்களுடன் ஒரு போட்டோ எடுக்க ரொம்ப பொறுமையாக இருக்கிறான்” என்று குறிப்பிட்டுள்ளார்.
விராட் கோலி, அனுஷ்கா சர்மா இருவரும் நாய்கள் மிகவும் நேசிப்பவர்கள். கோலி பெங்களூரில் உள்ள ஒரு நாய்கள் காப்பகத்தில் பல நாய்களைத் தத்தெடுத்துள்ளது குறிப்பிடத்தக்கது.
